Umvalið í Runavíkar kommunu lýst

Í farnu viku boðaði Løgmálaráðið frá, at kommunuvalið í Runavíkar kommunu 12. november í 2024 verður ógildað, og at umval verður í kommununi, og umvalið er nú lýst við kunngerð.

Umvalið verður, sum áður fráboðað, 13. januar 2026.

Valevnislistarnir mugu vera valnevndarformanninum ella kommununi í hendi í seinasta lagi klokkan 18 týsdagin 23. desember 2025.

Av tí at talan er um umval, fer atkvøðugreiðslan fram sambært teimum valevnislistum, ið vórðu nýttir til kommunuvalið í Runavíkar kommunu 12. november 2024.

Við umvalinum kunnu bert teir persónar velja, sum høvdu valrætt í Runavíkar kommunu 12. november 2024, stendur í kunngerðini, sum sæst her.