Uttanlands

USA hóttir við at støðga allari fígging til WHO

Donald Trump hóttir heimsheilsustovnin um ikki munandi broytingar verða gjørdar

Tedros Adhanom Ghebreyessus, WHO-aðalskrivari (Mynd: EPA)

Tedros Adhanom Ghebreyessus, WHO-aðalskrivari (Mynd: EPA)

2020-05-19 08:47 Author image
Ingi Samuelsen
placeholder

Amerikanski forsetin, Donald Trump, hóttir nú við endaliga at støðga allari amerikanskari fígging av heimsheilsustovninum, WHO. Hetta hendir, um tað ikki henda munandi betringar í stovninum inna hesar komandi 30 dagarnar.

Tað skrivar Trump á Twitter.

Forsetin hevur her almannakunngjørt eitt bræv, sum hann hevur sent aðalskrivaranum í WHO, Tedros Adhanom Ghebreyesus.

- Tað er eyðsæð, at mistøkini hjá tær og felagsskapi tínum í sambandi við farsóttina hava verið ógvuliga kostnaðarmikil fyri heimin. Einasti vegur fram fyri heimsheilsustovnin er, um hann í veruleikanum kann vísa, at hann ikki er bundin at Kina, skrivar Trump millum annað.

Forsetin leggur afturat, at stjórnin longu er farin undir tingingar við WHO um, hvussu felagsskapurin kann broytast.

- Men tað er neyðugt at gera okkurt skjótt. Vit kunnu ikki spilla tíðina burtur, skrivar Trump.

Boðini frá USA komu sama dag, sum talið av deyðum í USA, ið verða sett í samband við korona, fór upp um 90.000, og talið av smittaðum kom upp á 1,5 milliónir, sambært seinastu uppgerðini hjá John Hopkins University.

Longu í farna mánaði tók Trump amerikanska stuðulin til WHO aftur. Í hesum sambandi segði forsetin, at USA árliga rindar millum 400 og 500 milliónir dollarar til WHO – og at kina til sammetinger rindar um 40 milliónir dollarar.

Seinastu uppgerðirnar vísa, sambært NTB-tíðindastovuni, at USA gav 116 milliónir dollarar til WHO fyri tíðarskeiðið 2020 til 2021. Harafturat kemur stuðul til ymiskar verkætlanir á millum 100 og 400 milliónir um árið.

 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder