USA vil skipa fyri fundi millum Putin og Zelenskyj

USA arbeiðir við at skipa fyri einum fundi millum ukrainska forsetan, Volodymyr Zelenskyj, og russiska forsetan, Vladimir Putin, sigur amerikanski varaforsetin, J.D. Vance við Fox News.

Vance leggur tó afturat, at hann ikki heldur, at Putin skal hitta Zelenskyj, áðrenn hann hevur verið á fundi við amerikanska forsetanum, Donald Trump.

Trump og Putin skulu eftir ætlan hittast í amerikanska statinum Alaska fríggjadagin 15. august. Alaska er eitt øki, sum var russiskt, inntil Russland seldi tað til amerikanarar í 1867, skrivar Ritzau.

Hetta verður fyrstu ferð, at teir báðir hittast andlit til andlits síðan 2019. Putin hevur heldur ikki hitt Zelenskyj síðan 2019.

Les eisini: Miðil: Umhugsa at bjóða Zelenskyj við til Alaska