Valevnislistarnir skulu vera inni í kvøld

Valevnislistarnir til fólkatingsvalið skulu vera inni í kvøld.

Klokkan 18 í kvøld er seinasta freistin at lata valnevndini listarnir við valevnum.

Fyri at stilla upp til fólkatingsvalið, sum verður 5. juni, skal eitt valevni stilla upp fyri ein flokk, sum á seinasta vali varð valdur í løgtingið og framvegis situr har, ella kunnu valevni stilla upp á uttanflokkalista, skrivar Kringvarpið.

Miðflokkurin stillar ikki upp til hetta fólkatingsvalið, men tað gera allir hinir flokkarnir, sum eru í løgtinginum í løtuni. Sostatt er talan um seks flokkar, sum stilla upp til fólkatingsvalið.