Vita enn ikki hví bilurin fór av vegnum

Beint áðrenn klokkan 19 í gjárkvøldið fekk løgreglan fráboðan yvir 112, at ein bilur var farin av vegnum við fyrru omankoyringina til Skála. Bilurin endaði á takinum og fór illa.

Fýra ungir mans vóru í bilinum.

- Sjúkrabilur fór á staðið, og tveir av monnunum vóru fluttir á Landssjúkrahúsið. Sum skilst hendi einki álvarsamt teimum, men teir verða lagdir undir observatión, sigur vaktleiðarin á løgreglustøðini.

Enn er ikki greitt hví bilurin fór útav vegnum, og løgreglan ger fleiri kanningar í málinum í dag.