Alda Nielsdóttir
Tað er flóttafólkapolitikkurin hjá demokratunum, sum er orsøkin til, at tvey lítil børn úr Guatemala eru deyð á amerikanskari jørð.
Tað sigur amerikanski forsetin, Donald Trump í dagføring á Twitter, sambært TV2.
"Tað eru bert demokratarnir, sum hava skyldina fyri, at børn og onnur doyggja á markinum," skrivar hann.
Trump gevur demokratunum skyldina, tí at tey hava verið ímóti eitt av hansara størstu vallyftum, ein múr á markinum millum USA og Meksiko, sum m.a. skuldi halda tilflytarar "sum halda seg kunna koma ólógliga inn í landið" úti.
Høvdu vit ein múr, høvdu tey ikki eingongd roynt hetta, skrivar forsetin.
8. desember doyði ein 7 ára gomul genta úr Guatemala, og 24. desember doyði ein 8 ára gamal drongur, eisini úr Guatemala.
Les eisini: USA broytir mannagong: Skulu kanna heilsuna hjá flóttafólkabørnum
Vinarliga broyt tínar kennifíla - og privatlívsstillingar fyri at síggja hetta innihald