– Føroyingahavnin er eitt vælumtókt ferðamál

Ferðavinnufyritøkur í Grønlandi ávara ímóti at ríva Føroyingahavnina niður. Havnin er eitt vælumtókt ferðamál, sum gevur ferðafólkum møguleika at síggja ein part av fortíðini, siga tey.

Í dag er einsamalli huldubýurin eitt vælumtókt ferðamál, men bygningarnir eru í ringum standi, og tí verður sóknast eftir einari ætlan fyri økið.

Í staðin fyri at ríva havnina niður, skjóta ferðavinnufyritøkur upp at gera nakrar varligar ábøtur, skrivar grønlendski miðilin Sermitsiaq.

Føroyingahavnin liggur uml. 50 km sunnanfyri grønlendska høvuðsstaðin Nuuk.