Uttanlands

- Sum eitt krígsøki

Uml. 75.000 fólk mótmældu um alt Frakland í dag

Mynd: EPA

Mynd: EPA

2018-12-01 18:40 Author image
Alda Nielsdóttir
placeholder

Mótmælið í franska høvuðsstaðnum er vorðið ein ógvusligur bardagi.

Í minsta lagi 80 fólk eru særd, og yvir 200 fólk eru handtikin, og sløkkiliðsfólk vóru eisini boðsend, tá eldur kom í ein bygning.

Fleiri staðni hava mótmælisfólk kastað steinar móti løgregluni, sum svaraði aftur við táragassi.

"Tað hevur verið kríggj í gøtuni hjá okkum í allan dag. Tað er rættiliga ógvisligt," sigur eitt vitni fyri DR. 

"Bilar eru koppaðir og brendir, og brúgvasteinar eru skræddir upp, og táragass hevur verið í luftini".

Sambært tølunum hjá franska innlendismálráðnum, hava 75.000 fólk verið og mótmælt um alt landið í dag.

Mótmælið byrjaði, eftir at tað var kunngjørt, at franski forsetin, Emmanuel Macron fer at hækka prísin á brennievni frá 1. januar næsta ár.

Emmanuel Macron segði fyrr í vikuni, at hann hevur hoyrt mótmælisfólkini, men at hann ikki ætlar at strika ætlaðu príshækkingina.

Les eisini: Ógvusligur samanbrestur í París

placeholder
placeholder