1 árs gamalt barn funnið lívleyst í Svøríki

Eitt 1 árs gamalt barn var í gjár funnið deytt í Umeå í Svøríki. Løgreglan hevur handtikið tveir persónar, sum eru undir illgruna í málinum.

- Eitt forhoyr er planlagt til seinnapartin í dag, sigur Per Nyberg, sakførari hjá einum av teimum báðum persónunum, sum eru undir illgruna.

Umstøður gera, at løgreglan enn ikki kann úttala seg um, um nakað brotsverk er farið fram, skrivar Aftonbladet.

- Vit fara at kanna umstøðurnar. Í løtuni fái eg ikki sagt nakað meira, sigur umboðsfólk fyri svensku løgregluna.

Teir báðir persónarnir, sum eru undir illgruna í sakini, vórðu handtiknir í gjárkvøldið um 22 tíðina lokala tíð. Løgreglan sigur, at persónarnir hava tilknýtið til barnið.