31 fólk á lista E og fleiri kunnu koma afturat

Ikki færri enn 31 nøvn eru við á listanum hjá Tjóðveldi til løgtingsvalið 31. august. Og listin kann gerast longri, boðaði Høgni Hoydal, floksformaður frá, tá valskráin hjá flokkinum varð løgd fram í dag.

Arbeitt verður framvegis við at fáa onkur nøvn afturat á listan, áðrenn hann skal latast valstýrinum í seinasta lagið leygardagin.

Av teimum 31 nøvnunum eru 12 kvinnur, so tað er ikki full javnvág millum kynini á listanum.

Tjóðveldið hevur fingið skotið í skógvarnar at vera ein havnarflokkur, og ein samanteljing vísir, at av teimum 31 valevnunum hava tey 17 bústað í Suðurstreymi, meðan 14 koma "av bygd", harav ein úr Signabø í høvuðsstaðarkommununi.

Um hugt verður eftir listanum hjá Tjóðveldi fyri fýra árum síðani, tá 31 fólk stillaðu upp, so sæst at stór útskifting hevur verið á listanum. Heili 17 nøvn eru skift út, men kortini eru øll tey 11 ovastu á listanum, og sum hava havt fast sæti fyri flokkin á løgtingi og landsstýri hetta valskeiðið, stillað upp aftur til valið hesaferð.

Listin sær soleiðis út:

Annita á Fríðriksmørk

Beinta Løwe

Bjørt Samuelsen

Brandur Arnoarson

Dánjal Jákup Jakobsen

Dávur Syderbø

Heidi Lava Elgeirsdóttir

Heini Hátún

Hervør Pálsdóttir

Høgni Hoydal

Ingolf S. Olsen

Jenus á Trøðini

Jóannis Erik Køtlum

Jóhan Christiansen

Jón Kragesteen

Júst Johannesen

Kristina Háfoss

Kristina Toftegaard Larsen

Magni Arge

Marin Katrina Frýdal

Óluva Klettskarð

Páll á Reynatúgvu

Pauli Trond Hansen

Pól Esper H. Hansen

Rógvi Nybo

Sirið Stenberg

Snorri Patursson

Sonni á Horni

Turið Horn

Uni Árting

Vígdis Johannesen

Les eisini: Tjóðveldi fer eftir at fáa fullveldissáttmála við Danmark https://portal.fo/dagur-19894/tjodveldi-fer-eftir-at-faa-fullveldissattmala-vid-danmark.grein