40 møgulig yvirgangsfólk dripin í Egyptalandi

Í morgun gjørdi løgreglan í Egyptalandi innrás á støðum, har til samans 40 yvirgangsfólk goymdu seg. Innrásin varð gjørd í samband við bumbur, sum drap fýra fólk og vóru ætlaðar ferðafólki. Alt hettar skrivar BBC. 

Løgreglan drap 30 av stríðsmonnunum í Giza og restin, tað eru 10 mans, vórðu dripnir í El-Arish, sum er ein stórur býur í norðurpartinum av landinum. 

BBC skrivar at yvirgangsmenirnir høvdu ætla at lopið á fleiri ferðafólk og at hald varð lagt á spreingievni, vápn og byrsuskot. 

BBC skrivar eisini, at tað longu verður gjørt serliga nógv við trygdina í landinum, tí at størsti kristni minnilutin í landinum, tey Koptisku, skulu halda jól 7. januar.