51 ára gomul kvinna handtikin fyri dráp

Løgreglan í Týsklandi hevur handtikið eina 51 ára gamla kvinnu, eftir at fýra fólk eru funnin dripin á einum sjúkrahúsi í býnum Potsdam í Brandenburg landslutinum.

Tann 51 ára gamla kvinnan, sum arbeiðir á sjúkrahúsinum, er undir illgruna fyri at hava dripið fólkini. Enn er ógreitt, hví drápini eru framd.

- Vit hava funnið fýra fólk við við skaðum, sum tey eru deyð av umframt ein persón við álvarsligum skaðum á ymsum sjúkrastovum á somu gongd, upplýsir løgreglan í tíðindaskrivi.

her verður sagt, at fyrstu kanningarnar vísa, at øll offrini hava verið útsett fyri “umfatandi harðskapi”, dkrivar dpa-tíðindastovan.

Løgreglan varð fráboðað um málið í gjárkvøldið. Sambært blaðnum Tagesspiegel, vóru allir teir dripnu sjúklingarnir á sjúkrahúsinum.

Oberlinklinik-sjúkrahúsið er eitt sjúkrahús við fleiri serdeildum.

Løgreglan vildi ikki siga meira í gjárkvøldið, tí tey avvarðandi ikki enn vórðu kunnað.