Agnar Prestá
Í gjár tók Alexandra á Dul við starvinum sum stjóri á Klaksvíkar Sjúkrahúsi.
Tað var serligur dagur á Klaksvíkar Sjúkrahúsi, tí stafettin varð, sum Norðlýsið skrivar, alment givin víðari. Heri Ellingsgaard hevur verið stjóri seinastu 35 árini, men í januar bað hann um at verða loystur úr starvið.
Síðani hevur Súsanna Olsen røkt starvið sum sjúkrahússtjóri í Klaksvík.
Alexandra á Dul er 38 ára gomul og hevur bachelor í heimspeki og búskapi og cand. merc. í human resource management og búskapi frá Copenhagen Business School.
Alexandra hevur hollar royndir innan strategiska menning á HR-økinum, har hon starvaðist í 6 ár hjá heilivágsfyritøkuni Biofac við at uppraðfesta førleikar og kapasitetin í virkseminum. Seinasta árið hevur Alexandra starvast sum ráðgevi í leiðslu og organisatión í Tórshavnar kommunu.
Vinarliga broyt tínar kennifíla - og privatlívsstillingar fyri at síggja hetta innihald