Uttanlands

Amazon er heimsins sterkasta fyritøka

Felagið hevur nú eitt virði á 5 billiónir dollarar

(Mynd: EPA)

(Mynd: EPA)

2019-01-08 07:23 Author image
Ingi Samuelsen
placeholder

Internethandilin Amazon er nú tað felagið í heiminum, sum liggur ovast á listanum yvir feløg, sum hava størst áhuga millum íleggjarar.

Tá partabrævamarknaðirnir í USA lótu aftur í gjárkvøldið var virðið á Amazon-partabrævinum vaksið við 3,4 prosentum, og harvið gjørdist Amazon meira vert enn tøknirisin Microsoft, skrivar AFP tíðindastovan.

Amazon hevur nú eitt marknaðarvirði á heili 796 milliardir dollarar, svarandi til yvir 5 billiónir krónur.

Undir leiðslu av Jeff Bezos hevur Amazon, ið byrjaði sum ein bókahandil á netinum, upplivað ein ovurstóran vøkstur.

Umsetningurin hjá fyritøkuni vaks úr 74,5 milliardum dollarum í 2013 til 178 milliardir í fjør. Í ár verður roknað við einum umsetningi á 232 milliardir dollarar – hálvaaðru billiónir krónir.

Virðið á Amazon er økt samstundis sum eitt annað felag, sum hevur ligið ovast á hesum lista, Apple, hevur upplivað eitt fall.

Seinastu árini hevur Amazon víðkað um sítt virkisøki til at galda nógv annað enn kjarnuvirksemið, ið er handil á netinum. Í 2017 keypti Amazon fyritøkuna Whole Foods, sum er ein vistfrøðilig handilsketa.

Fyritøkan er eisini farin í undirhaldsvinnuna við stroymingartænastuni Amazon Prime, skrivar Ritzau.

 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder