Andstøðan nógv størri undirtøku millum veljararnar

Tað gongur niður á bakka hjá landsstýrissamgonguni. Tað má staðfestast burtur úr veljarakanningini, sum Spyr.fo hevur gjørt fyri Blaðið Vikuskifti.

Samgongan hevur nú væl og virðiliga mist meirilutan á tingi. Hevði val verið í dag, so høvdu undanfarnu samgonguflokkar, tað eru Javnaðarflokkurin, Tjóðveldi og Framsókn havt 18 av tingfólkunum og harvið væl og virðiliga helmingin.

Veljarakanningin vísir, at Javnaðarflokkurin hevði verið nógv størstur flokkur á tingi við 28,2 prosentum av atkvøðunum og 10 tingfólkum – trimum fleiri enn nú. Tjóðveldi fær undirtøku frá 18,6 prosentum og stendur at fáa seks tingfólk eins og nú meðan Framsókn eisini varðveitir sína umboðan á tingi við 5,5 prosentum.

Tá Spyr.fo gjørdi eina líknandi kanning fyri Portalin á ársdegnum fyri løgtingsvalið síðst í august, vann andstøðan við 17 móti 16.

Meira um kanningina kann lesast ókeypis í Blaðnum Vikuskifti her