Ansið eftir hálku í morgun

Løgreglan ávarar bilførarar og fótgangarar um hálku í morgun.

Tað hevur fryst í nátt, og nú í morgun fór at sirma ella smáregna.

- Tað er óhugnaliga hált í morgun – í hvussu so er í Havnini, ljóða boðini frá vaktleiðaranum á løgreglustøðini beint fyri klokkan sjey.

Sambært heimasíðuni hjá landsverk liggur hitin beint omanfyri frostmarkið í løtuni, og ávarað verður eisini móti hálku.