Bach í Kertuljósi verður komandi mikukvøld

Komandi mikukvøld, 7. desember, verður aftur møguleiki at uppliva “Bach í Kertuljósi” í Kirkjubø.

Hesaferð verða tvær av okkara bestu kvinnuligu solistum við umframt úrvalstónleikarar ur Aldubáruni.

Konsertin í aldargomlu Ólavskirkjuni byrjar klokkan 19, kirkjan tekur umleið 120 fólk, so gott er at verða í góðari tíð, siga fyrireikararnir. Orkestrið byrjar umleið 18.40 at spæla hugnaligar Bach korallir sum upptakt til sjálva konsertina.

Eftir konsertina, sum varir ein tíma,  verður sum vant hugnalig móttøka i roykstovuni. Konsert og móttøka er ókeypis.