Bitcoin skal verða lógligt gjaldoyra í El Salvador

Nayib Bukele, forseti í miðamerikanska landinum El Salvador, ætlar í komandi viku at leggja uppskot fyri Kongressina í landinum um at gera bitcoin til eitt lógligt gjaldoyra.

Forsetin vónar, at bitcoin kann skapa stóra fíggjarliga framgongd í landinum.

Verður uppskotið samtykt, verður El Salvador fyrsta landið í heiminum, sum formliga loyvir bitcoin sum gjaldoyra, skrivar Ritzau.

Hetta fer at skapa arbeiðspláss, og fer at hjálpa túsundatals fólkum, sum annars standa uttanfyri formliga búskapinum, sigur forsetin.