2019-07-24 17:44
Agnar Prestá
Agnar Prestá
737 MAX hevur kostað Boeing dýrt. Hetta er av álvara greitt nú, eftir at rokniskapurin fyri apríl, mai og juni er almannakunngjørdir. Flogfør av hesum slagnum kostaðu fyrr í ár 349 fólkum lívið, tá tvey 737 MAX við stuttum millumbili duttu niður í ávíkavist Etiopia og Indonesia.
Í mars hevur hetta slagið av flogfari, ið er sera vanligt, ikki havt flogloyvi í stórum parti av heiminum. Harvið standa nógv av hesum fløgførunum á jørðini, og hetta hevur sambært Ritzau kostað felagnum 4,9 milliardir dollarar - 32 milliardir krónir
Umsetningurin er fallin ógvusliga - talan er um 35 %, sum er 15,8 milliardir dollarar og Boeing setur met í mistum peningi fyri ein ársfjórðing. Felagið stríðist fyri at gera tað trygt fyri 737 MAX flogførini at fara aftur í luftina. Bruttotalið var 2,9 milliardir dollarar - beint undir 20 millardir krónir í undirskoti.
Vinarliga broyt tínar kennifíla - og privatlívsstillingar fyri at síggja hetta innihald