Britney Spears tekur ein steðg frá tónleikinum

Amerikanska songkvinnan Britney Spears tekur ein steðg frá tónleikinum í óasetta tíð. Hesum boðar hon frá á heimasíðu sínari.

Orsøkin er, at pápi hennara er sjúkur, og tí hevur hon brúk fyri at vera um hann og restina av familjuni í løtuni.

Hetta hevur millum annað við sær, at fleiri konsertir verða avlýstar. Britney Spears sigur, at hon er øgiliga kedd um hetta, og at hon vónar, at hon ein dagin fer at standa á tónleikapallinum aftur.