Brotið varð inn í handil

Tá Portalurin fyrr í morgun tosaði við løgregluna varð fortalt, at tey júst høvdu fingið eina fráboðan um eitt innbrot í Fuglafirði. Málið var júst meldað og tí vistu tey ikki so nógv júst tá.

Innbrotið var framt í einum handli í bygdini.

- Tað var ein í bygdini, sum tíðliga í morgun varnaðist, at hurðin í handlinum var brotin. Viðkomandi fór inn og sá, at ymiskt var stolið í handlinum, sigur vakthavandi.

Fráboðanin til løgregluna kom um hálvgun sjey í morgun, men enn er ikki greitt nær í nátt innbrotið er framt.

Løgreglan er á veg til Fuglafjarðar at gera nærri kanningar.