Uttanlands

Býir í Kalifornia millum mest dálkaðu býirnar í heiminum

Orsakað av skógareldunum er luftin í Kalifornia vorðin so illa dálkað, at hon verður samanborin við luftina í India og Kina

Mynd: Scanpix

Mynd: Scanpix

2018-11-18 13:40 Author image
Alda Nielsdóttir
placeholder

Í meira enn eina viku hava skógareldar herjað Kalifornia, og teir hava kravt í minsta lagi 79 mannalív og gjørt fleiri túsund heimleys.

Roykurin hevur eisini dálkað luftina so illa, at luftin í Kalifornia í løtuni er líka ring sum í teimum mest dálkaðu býunum í India og Kina, sum eru kendir fyri at vera heilsuskaðiligir.

Fríggjadagin vórðu Kalifornisku býirnir San Francisco, Stockton og Sacramento máldir at vera heimsins mest dálkaðu býir.

Í dag er ein kinesiskur býur tó aftur á 1. plássinum. Stockton er á 2. plássinum, meðan Sacramento er á einum 8. plássi, skrivar DR.

Í San Francisco hava børnini fingið frí úr skúlanum, og mælt verður til, at íbúgvar halda seg innandura. Noyðast fólk at fara útum, eigur mann at brúka andlitsmasku.

placeholder
placeholder