Dansibandsgudstænastan í Vágs Høll stroymd á netinum

Sum partur av skránni á Dansibandsfestivalinum verður Dansibandsgudstænasta í Vágs Høll í dag klokkan 14.

Í ár verður tað Uni Næs, dómpróstur, sum verður prestur á Dansibandsgudstænastuni, og harumframt fer Magni Christiansen at framføra. Klokkari verður Mikkjal á Løðhamri, og Elin Jacobsen verður degnur.

Sálmarnir, sum verða sungnir, eru ”Boðar tú til allar tjóðir”, og ”Tíðin rennur sum streymur í á”.

Sum nakað nýtt, ber til at stroyma gudstænastuna á netinum í ár. Hetta verður umvegis YouTube-rásina "Vágur, Faroe Islands", skriva fyriskiparar í tíðindaskrivi.

Leinkja til stroymingina verður eisini lagdar út á heimasíðuna hjá Dansibandsfestivalinum, og á Facebook-síðuna hjá Dansibandsfestivalinum.