Eingin skuldsettur í innbrotsmálinum

"Enn er eingin skuldsettur í málinum," sigur vakthavandi á politistøðini við Portalin.

Í gjár varð brotið inn í Gamla Seglhúsið í Klaksvík, har reklamuvirkið Grafia heldur til.

Tað var eigarin, Símun Gullaksen, ið meldaði málið til løgregluna, tá hann varnaðist hetta um 10-tíðina í gjár.

Rútar vóru knústir, og øl varð m.a. stolið úr kjallarinum.

Løgreglan heitir á fólk, sum halda seg vita nakað um málið, um at seta seg í samband við tey.

Les eisini: Innbrot í Gamla Seglhúsinum í Klaksvík