Alda Nielsdóttir
Suðurkoreanski forsetin, Moon Jae-in lendi í norðurkoreanska høvuðsstaðnum Pyongyang í morgun áðrenn triðja koreanska toppfundin í ár.
Endamálið hjá suðurkoreanska leiðaranum er at fáa eina semju um atomavvápnan á koreansku hálvoynni.
Moon Jae-in og Kim Jong-un heilsaðu uppá hvønnannan, og fagnaðarróp hoyrdust frá teimum mongu norðurkoreanarunum, ið vóru møttir upp at hyggja eftir suðurkoreanska forsetanum.
Á einum stórum bannari uttanfyri flogterminalin stóð: "Lat okkum fara undir eitt tíðarskeið við frælsi og vælferð við samhuga frá einum samlaðum fólki".
Túsundatals norðurkoreanarir stóðu klárir í penum, beinum rekkjum og veitraðu við plastblómum og norðurkoreanskum fløggum.
Tað er meira enn tíggju ár síðan, at ein suðurkoreanskur forseti hevur vitjað høvuðsstaðin í Norðurkorea, og er í dag tí ein søguligur dagur.
Fyrr í ár hava Moon Jae-in og Kim Jong-un tosað um, hvørt mann átti at endað Koreakríggið formelt.
Hesin toppfundurin kemur at vara tríggjar dagar, og kann gerast sera umráðandi í mun til avvápnan av kjarnorkuvápnum og sambandið við USA, skrivar TV2.
Ein annar søguligur toppfundur var í juni, tá Kim Jong-un og amerikanski forsetin, Donald Trump hittust í Singapore.
Vinarliga broyt tínar kennifíla - og privatlívsstillingar fyri at síggja hetta innihald