Eldur í sethúsum í Fuglafirði í nátt

Beint fyri klokkan 22 í gjárkvøldið fekk løgreglan fráboðan úr Fuglafirði um at eldur var í einum húsum. Tað vóru grannar, sum uppdagaðu royk úr einum húsum í umvæling.

- Eigarin var skjótur á staðið og fekk sløkt eldin. Tað var ein lítil eldur og har var lítil og eingin skaði, sigur vakthavandi á løgreglustøðini.

Løgreglan fer í dag at gera kanningar fyri vónandi at útiloka, at nakað illgrunasamt er farið fram.