Fíggjarkarmurin fyri 2019 verður 213,5 mió. kr.

Á býráðsfundi hjá Runavíkar kommunu í Oyndarfirði í gjár var avgjørt, at fíggjarkarmurin fyri 2019 verður 213,5 mió. kr.

Fíggjarnevndin mælti til, at inntøkurnar vóru býttar í 158,5 mió. kr. í persónsskatti, 23 mió. í partafelagsskatti og 32 mió. kr. eftirlitsskatti frá DIS og FAS.

Útreiðslurnar vóru býttar í 2,5 mió. kr. í rentustuðli, fíggjarkostnað á 15 mió. kr., rakstur á 151,5 mió. kr. og 44,5 mió. kr. í íløgum.

Býráðið tók undir við tilmælinum frá fíggjarnevndini.

Tilmæli merkir, at nakrar milliónir minni verða nýttar til íløgur, og at peningurin heldur verður nýttur til at rinda skuld aftur við.