Uttanlands

Fíggjarstjórin í Huawei handtikin í Kanada

Ætlanin er at útflýggja Wanzhou Meng til USA

Wanzhou Meng (Mynd: EPA)

Wanzhou Meng (Mynd: EPA)

2018-12-06 14:48 Author image
Ari av Rana

Fíggjarstjórin hjá kinesiska tøknirisanum Huawei, Wanzhou Meng, er handtikin í Kanada. Orsøkin til handtøkuna er, at hon skal útflýggjast til USA, har hon verður ákærd fyri brot á revsitiltøkum.

Meng varð handtikin 1. desember í Vancouver, og skal eftir ætlan til veðhaldshoyring í morgin.

Talsmaðurin fyri kanadiska løgmálaráðið sigur við kanadiska tíðindamiðilin Globe, at tey orsaka av forboð móti upplýsingum ikki kunnu upplýsa meiri um handtøkuna.

Fíggjarstjórin Wanzhou Meng er eisini næstforkvinna í nevndini í Huawei og er dóttur stovnaran, Ren Zhengfei.

Sambært útlendskum miðlum hava amerikanskir myndugleikar síaðni 2016 kanna, um Huawei hevur brotið revsitiltøk móti Iran við at selja útgerð frá amerikonsku fyritøkuna Hewlett-Packard (HP) til Iran.

placeholder
placeholder