Fleiri fólk fingið skaða í toki á Stórabelti

Átta fólk hava fingið skaða á einum toki hjá DSB, tá tokið mátti bremsa knappliga á veg yvir um Stórabelt, skrivar DR.

Sambært miðlatalsfólki hjá DSB mátti tokið høgga bremsurnar tá okkurt rakti tokið klokkan 07.30 í morgun, danska tíð.

Løgreglan á Fjóni skrivar soleiðis á Twitter:

- Ein tokvanlukka er hend á lágbrúnni yvir Stórabelt. Sjúkrabilar og løgregla eru á veg til staðið. Gevið neyðsynjaførunum pláss. Koyrið ikki móti Nyborg eftir motorvegnum. Stórabeltssambandið er stongt...

Nógvur vindur er í økinum. Øll bilaferðsla eftir brúnni er stongd til klokkan 11, skrivar dr.dk.