Uttanlands

Føroyingafelagið í Aalborg ávegis á fíggjarlógina

Fíggjarnevndin hevur latið løgtinginum uppskot um fíggjarligan stuðul til Álaborg á 100.000 kr.

2018-12-17 10:29 Author image
Ari av Rana
placeholder

Tá Fíggjarnevndin 14 desember læt Løgtinginum álitið fyri fíggjarlógina 2019, varð skotið upp at játta Føroyingafelagnum, Álaborg, fíggjarligan stuðul áljóðandi 100.000 kr. 

Nevndin í Álaborg hevur síðani apríl 2017 arbeitt við at fáa felagið á fíggjarlógina eins og Føroyahúsið í Keypmannahavn og føroyingafelagið Aarhus. Hetta arbeiðið bleiv styrkt í september 2018, tá ein arbeiðsbólkur undir nevndini varð settur á stovn. Úrslitið frá hesum heldur drúgva arbeiðið er, at Álaborg nú er í uppskoti til at koma á fíggjarlógina, skrivar felagið á heimasíðuni. Tó ger felagið vart við, at onnur og triðja viðgerð av fíggjarlógini skulu samtykkjast, áðrenn málið er rokkið. 

Hetta álitið ger tað sera spennandi hjá føroyingum í Aalborg at fylgja við viðgerðini av fíggjarlógini 2019

placeholder
placeholder