Forsætisráðharrin í Ný Sælandi fer í barsil

Forsætisráðharrin í Ný Sælandi, 37 ára gamla Jacinda Ardern, fer nú í barsil. Ardern hevur fingið eina dóttur, og verður við hesum fyrsti kvinnuligi statsleiðarin, sum fer í barsil.

Ardern er tó ikki fyrsti kvinnuligi statsleiðarin, sum gerst mamma ímeðan hon situr í embætinum. Í 1990 átti pakistanski forsætisráðharrin, Benazir Bhutto, eina dóttir. Men meðan Bhutto fór til arbeiðis dagin eftir, fer Ardern í seks vikur barsil.