Framvegis seks smittað

Í gjár var eingin nýggjur tilburður staðfestur, vísa nýggjastu tølini hjá landslæknanum, og sostatt hava vit nú havt tveir dagar uttan nakran smittutilburð.

Síðan í gjár er heldur eingin staðfestur frískur, og er støðan sostatt framvegis tann, at seks persónar eru smittaðir við koronu í Føroyum.

Seinasta samdøgrið eru 671 kanningar gjørdar. Í løtuni er eingin persónur innlagdur við koronu, og 19 persónar eru í sóttarhaldi.

Samanlagt eru 1000 smittutilburðir staðfestir í Føroyum, og tveir persónar eru deyðir við koronu. Tilsamans eru fleiri enn 406.000 kanningar gjørdar.