Freistin at søkja stjórastarvið í Kringvarpinum gongur út á midnátt

Á midnátt er freistin at søkja stjórastarvið í Kringvarpi Føroya farin. 

Kári Sólstein, sum er starvsfólkaumboð í Kringvarpsstýrinum, hevur verið virkandi stjóri, síðan Johnny í Grótinum fór frá sum stjóri í juni mánað.

Johnny í Grótinum fór frá 14. juni, tá ið hann og Kringvarpsstýrið vóru vorðin samd um, at tað var "frægast fyri stovnin", at samstarvið partanna millum endaði. 

Nýggi stjórin í Kringvarpinum fer at hava dagligu programmábyrgdina og skal røkja fyrisitingarligu og búskaparligu leiðsluna av Kringvarpi Føroya, sum er skipað eftir løgtingslóg.