Friðarlig mentanarnátt í Havn

Nógv fólk hava verið úti í býnum í gjárkvøldið og í nátt í sambandi við mentanarnáttina í Havn, men kortini hevur verið stak friðarligt hjá løgregluni.

Ein maður bleiv tó tikin við á politistøðina í nátt.

Viðkomandi hevði fingið rættiliga nógv niðurum og bar seg býttliga at, og tí helt løgreglan tað vera best, at taka hann við, so hann kundi sova rúsin av sær á støðini.

Vakthavandi á politistøðini upplýsir í morgun, at maðurin enn er hjá teimum, og tá hann vaknar fær hann eina bót fyri brot á skilhaldsreglurnar (tað, sum fyrr varð nevnt politiviðtøkurnar).