Fuglar førdu til neyðlending

Eitt ferðaflogfar hjá Ural Airlines var ikki meira enn farið av á flog frá Ramenskij-flogvøllinum við Moskva, tá ein bólkur av fuglum órógvaðu so mikið, at Airbus 321 flogfarið noyddist at lenda aftur.

Talan var, sambært AP tíðindastovuni, um eina harða neyðlending. Hon varð framd í einari kornveltu, og hon eyndaðist eftir umstøðunum sera væl. 23 fólk, fleiri av teimum børn, komu tó til skaða, men AP skrivar, at eingin doyði í tilburðinum. Arbeiði hjá flogskiparin, Damir Yusopov, verður mett at vera eitt bragd.  

226 ferðfólk og flogmanningin, sum taldi sjey, vóru umborð.