Reisa nú veggirnar á nýggju Alvalon

Fyrireikingarnar til útbyggingina av dagstovninum Alvalon í Sørvági ganga væl.

Liðugt er at planera, leiðingar eru lagdar, og fundamentini eru stoypt. Í komandi viku verður eisini stoypt áðrenn farið verður í jólafrí, skrivar Articon, sum byggir.

Ovaru hæddirnar á bygninginum vera úr timbri. Elementini verða smíðað í høllini hjá ArtiCon á Sundi og eru skjótt klár at seta upp.

Bygningurin verður 24 metrar langur og 10 metrar breiður og skal avhendast í september 2025.