Skráin fyri kongaskiftið løgd

Nú er greitt, nær Fríðrikur krúnprinsur verður útnevndur til kong. Tað verður 14. januar klokkan 14 føroyska tíð frá svalanum á Christianborg slotti.

Hetta upplýsir kongshúsið á heimasíðuni.

Klokkan 13 er ríkisfundur, og aftaná fundin fer Mette Frederiksen, forsætisráðharri, at lýsa trónskiftið á Christiansborg slotti.

Tað var í nýggjársrøðuni, at Margreta drotning boðaði frá, at hon læt trónuna víðari til Fríðrik krúnprins eftir 52 ár sum drotning.