Gifti par á Eiðinum

Summarið er eisini árstíðin har fleiri pør velja at ganga saman í hjúnarlag og fellir tað eisini borgarstjórum kring landið í lut at gifta pør. Soleiðis eisini í Vági, har borgarstjórin í dag á Eiðinum gifti par, sum vitjaði í Føroyum úr Køge í Danmark.

Tað skrivar Vágs kommuna á heimasíðuni.

- Hetta er ein av annarleiðis og spennandi uppgávunum sum borgarstjóri, sum eisini hevur ein hátíðarligan dám, sigur Dennis Holm, borgarstjóri, í samband við vígsluna í dag.

-Og farið eg enn eina ferð at ynskja brúðarparinum hjartaliga tillukku og blíðan byr í framtíðini, segði Dennis Holm borgastjóri.