Grindin horvin

Boðað varð frá grind í morgun, og hóast veðrið er av tí besta, finna bátarnir onga grind í Hestfirði. 

- Tað síðsta, eg hoyrdi, var, at fýra bátar vóru komnir hartil, og teir leitaðu og funnu onga grind. Teir leita so framvegis, sigur Karl Johansen, sýslumaður. 

- Tað er fínasta veður, og teir sóu onga grind. So vit mugu bara bíða, inntil vit frætta aftur frá teimum, sigur sýslumaðurin.