Grindin verður merkt og rikin útaftur

Avgerð er tikin um at merkja grindina og seta sendarar á nakrar av hvalunum á grindini, sum varð funnin fyrr í dag. Tað veit Jn.fo.

Jacob Vestergaard, sýslumaður, sigur við Portal.fo, at talan er um eina lítla grind - eini 20-30 hval.

Grindin varð funnin útfyri Víkum um 13 tíðina í dag, og bátarnir liggja nú út fyri Bø hjá grindini. 

Fólk frá Náttúrugripasavninum eru á veg vestur til Bíggjar at merkja grindina, og síðan verður grindin rikin útaftur.