Halla og Kristina góð úrslit í bikini fitness kapping í Póllandi

Farna vikuskifti var fitness kappingin NPC Worldwide Festival á skránni í pólska høvuðsstaðnum Varsjava, og millum luttakarnar vóru Halla Fjallstein úr Signabø og Kristina Debess úr Havn, sum báðar komu heimaftur við medalju.

Halla er 20 ár og gongur í 3.s á Glasi í Havn, og Kristina er 29 ár. Felags fyri tær báðar er, at tær á vetri í fjør settu sær fyri, at tær skuldu kappast í bikini fitness í Danmark fyri fyrstu ferð, og at tær báðar arbeiða hjá Glitnir í Havn, sum eisini hevur verið høvuðsstuðul hjá teimum báðum.

Halla greiðir frá, at hon hevur verið hugtikin av bikini fitness, síðan hon í 2014 sá mostur sína, Árnu Fjallstein vinna Fitness Føroyar, og í november hugsaði hon, at nú skuldi tað vera, og setti hon seg í sambandi við ein danskan venjara.

Samstarvið teirra millum hevur gingið fyri seg gjøgnum netið. Venjarin gjørdi eina kostætlan og venjingarætlan til Hallu, sum síðani sendi dagføringar við myndum og vekt hvørja viku. Eisini vóru nakrar poseringstímar yvir Zoom, og hevur hon eisini fingið hjálp við posering í Føroyum.

Kristina, sum byrjaði at venja málrættað fyrst í desember, fekk hjálp frá einum føroyskum venjara, sum gjørdi henni eina venjingarætlan og kostætlan, men annars hevur hon vant einsamøll.

Hvørgin teirra hevði luttikið í fitness kapping áður, og eru tær væl nøgdar við teirra avrik.

– Eg eri mega nøgd. Eg bleiv nummar fimm av ellivu, sigur Halla, sum kortini ikki ætlar sær at kappast aftur beinanvegin.

Les alla greinina ókeypis í Blaðnum Vikuskifti her