Uttanlands

Italia: Kvinna fekk seks skamtar av koppingarevni

23 ára gamla kvinnan er nú innløgd í Toskana, eftir at ein sjúkrarøktarfrøðingur av misgáum gav henni seks skamtar í staðin fyri ein – Kvinnan hevur tað kortini gott

(Savnsmynd)

(Savnsmynd)

2021-05-10 13:42 Author image
Alda Nielsdóttir
placeholder

Ein 23 ára gomul italsk kvinna er nú innløgd á sjúkrahúsi í Toskana til eftirlit, eftir eitt mistak elvdi til, at hon fekk seks skamtar av koppingarevni í armin í staðin fyri ein.

Tað var ein sjúkrarøktarfrøðingur, sum av misgáum kom til at sproyta alt innihaldið í sproytuni inn í armin á kvinnuni. Sproytan innihelt seks skamtar av koppingarevni frá Pfizer/BioNTech.

Kvinnan hevur tað gott, skrivar tíðindastovan AFP.

Aðrar fráboðanir um fólk, sum hava fingið ov nógv koppingarevni frá Pfizer/BioNTech, eru komnar úr USA, Avstralia, Týsklandi og Ísrael.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder