Japan heitti á IOC um at útseta OL

Sambært altjóða miðlum heitti Shinzo Abe, forsætisráðharri, í Japan, fyrr í dag formannin í olympisku nevndini (IOC) um at sleppa ætlanunum um at halda OL í 2020.

Abe segði, at ístaðin skulu olympisku leikirnir í Tokyo verða avgreiddir komandi ár.

CNN skrivar fyri lítlari løtu síðani, at hetta er gingið á møti, og at Japan og IOC eru komin ásamt um at útseta leikirnar til summarið 2021. 

Í 1916, 1940 and 1944 vórðu olympisku leikirnir avlýstir orsaka av kríggi. Tað er ongantíð áður komið fyri, at OL er flutt.

Fleiri lond hava seinastu dagarnar heitt á IOC um at útseta leikirnar, ið eftir ætlan eru á skránni 24 juli til 8. august í japanska høvuðsstaðnum. 

Kanada boðaði í gjár frá, at landið ikki sendur nakrar íðkarar, um OL verður hildið eftir ætlan, og onkur limur í IOC segði alment í gjár, at OL ikki verður hildið í ár.

Les eisini: Kanada gevur avboð til olympisku leikirnar

Miðvingurin og rógvarin Sverri Sandberg Nielsen skal umboða Danmark til OL í Tokyo. Tað er eingin ábending um, at hetta broytist, av tí at leikirnir eru fluttir eitt ár.

Dagført: 12.55

Olympiski eldurin kom í seinastu viku til Tokyo (Mynd: EPA)