J&K Petersen: Gera alt fyri at kanna hví vanlukkan hendi

Um hálvgun trý tíðina mikunáttina fór ein dumpari av vegnum í grótbrotinum á Glyvursnesi, har sprongt verður til havnarútbyggingina í Havn.

Førarin, ein 31 ára gomul kvinna, doyði í vanlukkuni, og nú verður kannað hví hetta hendi.

Tað er fyritøkan J&K Petersen, sum tekur av havnarútbyggingini, og sigur í fráboðan um syrgiligu vanlukkuna, at tey hava mist ein góðan, raskan og fittan starvsfelaga.

- Saman við avvarðandi myndugleikum gera vit alt fyri at kanna, hví vanlukkan hendi. Vit hava mist ein góðan, raskan og fittan starvsfelaga, sigur J&K Petersen.

- Men tankar okkara og djúpa samkensla leita til tykkara, sum hava mist dóttrina, systrina, og ein kæran vin. Harrin styrki tykkum í sorgini, sigur J&K Petersen í fráboðanini.