Johnson & Johnson bíðar fyribils

Amerikanski medisinframleiðarin Johnson & Johnson útsetur veitingina av koppingarevni til Evropa.

Tað skrivar felagið í tíðindaskrivi í dag.

Fráboðanin kemur eftir, at amerikansku heilsumyndugleikarnir fyribils hava steðgað koppsetingini við hesum slagum av vaksinu orsakað av hjáárinum.

- Vit eru vorðin varug við sjáldsamar tilburðir av blóðtøppi hjá fólki, sum hava lágt tal av blóðplátum, verður sagt í tíðindaskrivi.

Enn er óvist hvussu leingi veitingin verður útsett.

Áleið sjey milliónir amerikanarar eru longu koppsettir við Johnson & Johnson-koppingarevninum, sum í mun til aðrar vaksinur, bara krevur eitt prik.