Kavaratilbúgvingin skal styrkjast

FaroeDive: Síðani 2007 eru 19 fólk druknaði, sambært Hagstovu Føroya, og alsamt fleiri sløkkilið hava viðurkent, at tilbúgvingin innan hetta økið eigur at verða styrkt.

Sløkkilliðini í Klaksvík, Fuglafirði og Tórshavn hava gjørt íløgur í útgerð og útbúgving av tilbúgvingarfólki, soleiðis at átøk í samband við druknivanlukkur kunnu avgreiðast í teirra øki. 

Í heyst verður aftur møguleiki hjá starvsfólkum í Føroysku Tilbúgvingini, at útbúgva seg innan kavaratilbúgvingina.

Á myndunum síggja vit eitt kavara-toymi frá Tórshavnar Sløkkiliðið arbeiða við ymiskum uppgávum, í samband við teirra útbúgving innan bjargingarkaving.. Kavararnir frá Tórshavnar Sløkkiliðið vóru Andras Hammer, Høgni Dam, Rógvi Danielsen og Martin Sivertsen.