Uttanlands

Keypmannahavn: 9 skottilburðir í 9 dagar

Bandakríggj herjar í danska høvuðsstaðarøkinum

Savnsmynd

Savnsmynd

2018-09-23 11:52 Author image
Alda Nielsdóttir
placeholder

Fríggjadagin 14. september fekk løgreglan í Keypmannahavn eina fráboðan um ein skottilburð á Nørrebro.

Dagin eftir er ein skottilburður í Ishøj, har tvey fólk verða skotin.

Síðan tá hava sjey skottilburðir afturat verið í danska høvuðsstaðarøkinum, níggju tilburðir í níggju dagar.

Seinasti tilburðurin var í gjárkvøldið í Ishøj, og nú hevur løgreglan í Keypmannahavn gjørt kanningarøki ymsa staðni í býnum.

Í hesum økjum hevur løgreglan loyvi at kropsransaka fólk og kanna akførini hjá teimum.

Hildið verður, at flestu tilburðirnir eru knýttir at einum innanhýsis stríði í einum banda, skrivar DR.

Løgreglan heldur, at skottilburðirnir og ein rúgva av álopum eru knýtt at einum banda, sum er farin í tvíningar.

Stríðið tók til við skottilburðinum á Nørrebro fyri góðari viku síðani, men løgreglan veit enn ikki, hvat orsøkin til stríðið er.

Løgreglan hevur í hesum døgum sett nógv fólk á Nørrebro. Talan er um bæði løgreglufólk í búna og løgreglufólk í sivilklæðum. Eisini hevur løgreglan í Keypmannahavn biðið ríkispolitiið um eyka hjálp.

placeholder
placeholder