Alda Nielsdóttir
Sum aftursvar til tollin, sum amerikanski forsetin, Donald Trump boðaði frá mikudagin, fer Kina m.a. at leggja ein toll á 34 prosent afturat á amerikanskar vørur frá 10. apríl, boðar kinesiska fíggjarmálaráðið frá.
Ein grundtollur á 10 prosent á vørur úr øllum londum kom í gildi í morgun, men frá 9. apríl verður hægri tollur lagdur á vørur úr ávísum londum, m.a. Kina.
Mikudagin boðaði Trump m.a. frá, at ein tollur á 34 prosent afturat verð lagdur á vørur, sum eru innfluttar úr Kina. Saman við verandi tollinum, verður tollurin á kinesiskar vørur, sum verða innfluttar til USA, 54 prosent, skrivar CNN.
Kina hevur kært málið til Heimshandilsfelagsskapin WTO.
Endamálið við tollinum er m.a. at fáa amerikanarar at velja amerikanskar vørur framum útlendskar, men stjórin í amerikanska miðbankanum hevur ávarað um, at tollurin kann elva til hægri arbeiðsloysi og prísvøkstur.
Les eisini: Miðbankastjórin ávarar Trump - men hann fer ikki at broyta politikk
Vinarliga broyt tínar kennifíla - og privatlívsstillingar fyri at síggja hetta innihald