Kommunan fer at gera seks nýggj grundstykki í Saksun

Áhugi er í at byggja í Saksun, og tí fer Sunda kommuna nú at arbeiða við at fáa seks nýggj grundstykki til vega.

Heðin Zachariasen, borgarstjóri í Sunda kommunu, sigur við Kringvarpið, at kommunan hevur fingið umsókn um at byggja sethús, og tí eru 450.000 kr. játtaðar til verkætlanina í ár.

Í fyrstu atløgu er talan um at keypa lendi frá øðrum bóndanum í Saksun, og til at gera veg.

Borgarstjórin sigur, at arbeiðið at útstykkja verður boðið út tá øll formlig loyvi eru komin. Hetta væntar hann verður uppá pláss heilt skjótt.