Kommunustjóraskifti á Tvøroyri

Jónleyg Jespersen Bech tekur nú við aftur sum kommunustjóri á Tvøroyri, skrivar Tvøroyar kommuna á heimasíðuni. Jónleyg hevur síðani 1. august 2016 verið í farloyvi í sambandi við víðari lestur í Danmark.

Hesi seinastu tvey árini hevur Henrik Weihe Joensen røkt starvið sum kommunustjóri á Tvøroyri sum avloysari fyri Jónleyg Jespersen Bech.

Jónleyg Jespersen Bech er 40 ára gomul og er útbúgvin MSc í kultursosiologi. Jónleyg hevur 16 ára starvsroyndir í kommunalari umsiting harav átta ár sum kommunustjóri.